Собрани над 10.000 денари на синоќешната Хуманитарна забава

Голем број гостиварци од различни генерации, синоќа ја поддржаа Хуманитарната забава што се одржа за помош на социјално загрозени семејства. Пабот беше полн со посетители од самиот почеток во 21 часот, па се` до крајот на забавата. Организаторите се задоволни од целокупниот настан и позитивните коментари од граѓаните, кои беа дел од хуманитарната иницијатива.

Со собраните средства, во висина од над 10 илјади денари ќе се обезбедат пакети со храна како донација за неколку сиромашни семејства од Гостивар.

Хуманитарната забава беше организирана од општинската организација на Црвениот Крст од Гостивар, бендот Soundcheck и The Pub со медиумска поддршка на нашиот портал Gostivarpress.