Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 16/05/2019 | 15:07

Собрани околу 1,2 милиони денари донации за семејствата на настраданите кај Ласкарци

Во период од околу два месеци, колку што беше активна посебната донаторска сметка за помош на семејствата на настраданите и повредените во автобуската несреќа кај Ласкарци, собрани се околу 1,2 милиони денари. Толкав е износот којшто го донирале фирми и поединци на донаторската сметка, која ја отвори Општина Гостивар со одлука на општинскиот Совет.

На последната седница на Советот, пред два дена се изгласа одлука сметката да се затвори и собраните средства да се распределат на семејствата на загинатите и на повредените патници во автобусот.

Кобната несреќа на 13 февруари однесе шеснаесет човечки животи, а со повреди завршија над 35 патници.

Советот во февруари усвои и одлука за доделување помош од општинскиот буџет, по 30.000 денари за семејствата на настраданите и по 15.000 за повредените патници.

Напишете коментар

Close