„Сомнио“, идната најголема јахта на светот

„Сомнио“, ќе биде (идната) најголема јахта на светот кога ќе биде завршена – во 2024 година, но и прва јахта за живеење со станови. „Сомнио“, на латински значи „сон“, бродот е дизајниран од компаниите „Тилберг Дизајн“ од Шведска и „Винч Дизајн“ од Велика Британијa.  што создале резиденции и заеднички простории, исполнети со различни погодности.

Со своите импресивни 220 метри должина, овој огромен брод тежок 33.500 тони ќе содржи колекција од 39 луксузни апартмани. Норвешкиот дизајнер и бродоградител VARD ќе ја гради јахтата, а оваа супер луксузна јахта ќе чини околу неверојатни 600 милиони долари.

Огромната идна најголема јахта на светот ќе биде опремена со 39 апартмани на шест ката, како и ресторани, барови и клуб на плажата на бродот.

Супер – лебдечкиот дом за супер – богатите нуди станбени единици до ултра-богатите со цени што се движат од 11,2 милиони долари и нагоре кои се совршено опремени за живот на отворено море што досега можеа само да се замислат. Исто така, процесот на купување стан е „само по препорака“.

Идентитетот на сопственикот ќе се чува во тајност, а оние што ќе станат сопственици на становите со седум ѕвезди ќе имаат свој простор направен според посебни желби и потреби.

Секој од 39-те апартмани ќе има пристап до теретана, библиотека и има бројни простории за внатрешни и надворешни активности  односно за пешачење, уживање и рекреација

Исто така, сите сопственици на апартмани на оваа јахта ќе имаат пристап до спектакуларна визба за вино со доволно простор за 10.000 шишиња, просторија за дегустација, ресторани и барови, како и клуб на плажа каде ќе имаат пристап до се за да уживаат во водата.

Не само што богатите жители на овој брод ќе можат да уживаат во супериорните удобности покрај услугата со седум ѕвезди, туку тие ќе ги посетат и најдобрите пристаништа во светот, како што се Средоземното море, Јужен Пацифик, Антарктикот и Њујорк.

Исто така, земена е предвид грижата за здравјето на идните станари на луксузни станови, особено во светло на пандемијата, а тимот дизајнери нагласува дека „медицинската нега ќе биде во највисок ранг“.

Сомнио ќе биде единствената суперјахта за домување во светот и таа е дизајнирана да ги почитува стандардите кои ќе ги задоволат различните потреби и околности на сите сопственици.