„Сомнително лице“ во среда навечер во Гостивар

Една од најпознатите комедии на Бранислав Нушиќ, „Сомнително лице“ премиерно ќе биде изведена во среда во Центарот за култура АСНОМ во Гостивар. Театарската екипа на културното здружение „Дунек“ е целосно подготвена за премиерата и ветува многу смеење, забава и позитивна енергија за публиката.

„Оваа претстава е многу динамична, изобилува со комични ситуации и интересни ликови кои ги донесува веќе добро позната актерска екипа. Веруваме дека публиката ќе доживее театарско уживање и опуштање од секојдневието. Затоа ги покануваме сите гостиварци да дојдат на премиерата и да се забавуваат“, велат од Дунек.

Во „Сомнително лице“ играат: Војкан Михајлоски, Константина Ѓурковиќ, Ивана Мерџаноска, Виктор Анѓелкоски, Давор Ангелов, Драгана Богоеска, Теодора Матеска, Екатерина Тримчевиќ, Ратко Анастасиески, Тома Стојаноски, Јован Бубески и Теодора Волческа. Режијата е на Ѓорѓи Нешкоски.

Премиерата во среда е закажана со почеток во 20 часот.