Сончево и топло до недела, во понеделник локални врнежи од дожд

Наредниве денови ќе преовладува сончево и топло време, од недела со делумно зголемување на облачноста, а локални врнежи од дожд се очекуваат во понеделник.

За утре се најавуваат утрински температури во интервалот од -2 до 4 степени Целзиусови, а максималната дневна од 13 до 24 степени.

Во сабота и недела дневната температура ќе се движи од 15 до 21 степен, односно од 16 до 23 степени. Во понеделник ќе има мал пад на температурите и тие ќе изнесуваат од 13 до 19 степени. Следат вторник и среда со температури од 15 до 22, односно од 16 до 22 степени Целзиусови.