СОНК бара зголемувањето на платите во образование да почне со септемвриската

Советот на Самостојниот синдикат за образование, наука и култура на Република Македонија на денешната седница расправаше за барањето за усогласување на платите во основното и средното образование и донесе повеќе констатации и заклучоци, кои се доставени до Министерството за образование и наука и Владата.

Од СОНК наведуваат дека доколку не им се исполнат барањата за усогласување на платите до крај на месецот, можни се и радикални мерки.

„Советот на СОНК го прифати барањето на Кабинетот на претседателот на Владата за дополнителен период за преговори од една недела, односно до крајот на месец септември. Доколку и по овој период не се излезе со позитивно решение за членовите на СОНК, односно за вработените во основно и средно образование, Советот на СОНК ќе донесе Одлука за понатамошни синдикални активности, не исклучувајќи ги и најрадикалните. Советот на СОНК констатира дека премногу долго траат преговорите помеѓу СОНК и МОН, односно Владата и сметаат дека час поскоро треба да завршат со прифатливо решение за двете страни, како би можело усогласувањето на платите да започне со септемвриската плата“ стои во заклучоците од Советот на СОНК.“, стои меѓу другото во  заклучоците од седницата.