СОНК и МОН усогласуваат ставови, договор се‘ уште нема

По денешната нова рунда преговори меѓу СОНК и МОН, не е постигнат конечен договор и виси прашањето дали штрајкот во училиштата повторно ќе се активира.

Двете страни по средбата изјавија дека сепак ставовите се усогласуваат, без да дадат повеќе детали.

„Усогласивме генерално некои ставови во однос на колективните договори, но не до крај испрецизирани. Околу зголемувањето на платите имаше дополнително наши предлози, како и до кој процент да се зголемат, со што повторно се враќаме во Министерството за финансии кое треба да изврши проценка до каде е буџетот. Дали штрајкот ќе биде повторно активиран ќе зависи од резултатите од преговорите и од препораките што ќе ги даде посредувачот.“, изјави претседателот на СОНК, Јаким Неделков.

Министерот за образование Јетон Шаќири излезе со став дека прекин на настава не треба да има, а отворените прашања да се решаваат со разговори.

„Можеби во наредниот период ќе имаме потреба од други разговори, но да нема прекин на наставата. Ставовите се доближуваат, во другиот дел се наоѓаат решенија. Побарав разбирање од СОНК и наставниците затоа што имавме добра волја за решение“, рече Шаќири