Македонија

СОНК очекува покана од Владата и се надева на прифатливо решение за платите

Објавено

пред 3 месеци

на

12/04/2022

Од

Gostivarpress.mk

Претседателот на Синдикатот за образование, наука и култура Јаким Неделков попладнево информираше дека досега не се регистрирани посериозни проблеми или притисоци врз штрајкувачите.

Во текот на денешниот ден очекуваат покана за средба од надлежните институции, а за времето на одржување на средбата и резултатите од неа, како што напиша Неделков на Фејсбук, јавноста ќе биде дополнително информирана.

– СОНК се надева дека ресорните министерства или Владата ќе излезат со конкретен и прифатлив предлог за зголемување на платите во гореспоменатите дејности односно со предлог кој ќе биде прифатлив од мнозинството на членови на СОНК. Со тоа би се донело, во најкраток можен рок, одлука за прекин на штрајкот и продолжување на нормалниот тек на воспитно – образовниот процес, напиша Неделков на „Фејсбук“.

Вработените во градинките, основните и средните училишта од вчера се во генерален штрајк барајќи зголемување на платите за 18,4 проценти и решение за усогласување на платите со минималната плата.

Сподели ја веста:

Поврзани теми:

Следнo

Од утре веќе не е потребен Ковид сертификат за влез во Бугарија

Не пропуштај

И официјално укинати маските, Владата ги усвои новите антиковид-мерки