Поврзи се со нас

Гостиарски

Сообраќајна (не)култура

Објавено

на

Метеж низ улиците, заобиколување на сообраќајните прописи, паркирање кому каде ќе му текне, пешаци кои претрчуваат на другата страна без воопшто да внимаваат на пешачките премини, нетрпеливи возачи кои упорно свират…Ова е секојдневна глетка во Гостивар. Непочитувањето на законските правила во сообраќајот создава хаос, а сообраќајната култура многу повеќе е некултура.

Со тоа ќе се сложат повеќето граѓани, но секој ја брани својата страна, зависно кој тип учесник е во сообраќајот. Пешаците коментираат дека премините предвидени за нив не се добро обележани, а возачите ретко им даваат предност. Возачите пак, велат улиците се тесни, сообраќајот не се регулира, другите не внимаваат доволно. Полицијата контролира и санкционира, но има ли подобрување на состојбите?

Брзото возење број еден прекршок

Неприлагодената брзина е најчеста причина за сообраќајќи на подрачјето на Гостивар, особено за оние со потешки последици.

Брзите возачи создаваат најмногу проблеми низ улиците и патиштата. Неприлагодената брзина е најчеста причина за сообраќајќи, особено за оние со потешки последици. Полицијата потврдува дека на подрачјето на Гостивар брзото возење е прекршок број еден. По него следува возење без дозвола.

„Најчести прекршоци што ги чинат возачите на гостиварското подрачје се неприлагодена брзина според условите на патот, односно пребрзо возење и управување без положен возачи испит и валидна дозвола за тоа. Ова се податоци кои се однесуваат не само за годинава, туку и години наназад. Тие впрочем се издвојуваат и како најзастапени меѓу причините за случените сообраќајни несреќи, посебно неприлагодената брзина.“, информира портпаролот на СВР Тетово, Марјан Јосифоски.

Како сообраќајни „црни точки“ на гостиварското подрачје полицијата ги нотира  магистралниот пат Гостивар-Кичево, на и во близина на Новоселскиот мост, каде последните неколку години има несреќи со загинати лица, но и гостиварскиот дел од автопатот Гостивар-Тетово-Скопје, на кој се забележани повеќе излетувања од коловоз и несреќи предизвикани од животни, а како сообраќајно ризична  минатата година се среќава и улицата „101“.

Инаку, од почетокот на годинава на поширокото гостиварско подрачје вкупно откриени и санкционирани биле скоро 400 пречекорувања на максимално дозволената брзина, а најголем број од возачите пречекорувале за 30 до 50 километри на час повеќе од пропишаното. Согласно Законот за безбедност на сообраќајот на патиштата, за овој вид  прекршок казните се движат од 45 до 400 евра. За екстремно брзите возачи, покрај паричната глоба, предвидено е и времено одземање на нивните возачки дозволи од три месеци до една година.

Пешаците не се цвеќе за мирисање

Не погледнуваат ни лево, ни десно, и преминуваат улица без пешачки, во среде гужва и во налет на автомобили од сите страни. Со тоа се доведуваат во опасност себе си, но и останатите учесници во сообраќајот. Дека пешаците не се „цвеќе за мирисање“ покажува и статистиката на СВР, според која минатиот и овој месец на гостиварското подрачје изречени се вкупно 66 мерки за непрописно однесување на пешаци во сообраќајот, претежно за преминување на улиците надвор од обележани пешачки премини и невнимателно задржување на коловоз.

Во минатиот и овој месец на гостиварското подрачје изречени се вкупно 66 мерки за непрописно однесување на пешаците, најповеќе за преминување на улиците надвор од обележани пешачки премин.

Изминатиот период сообраќајната полиција во Гостивар стави акцент на контролите околу пешаците, како и колку возачите ги почитуваат правилата на пропуштање. Казни летаат, но ќе донесат ли тие малку повеќе совест во сообраќајното однесување, останува да се види.

Апелите остануваат исти за доброто на сите

Секторот за внатрешни работи Тетово постојано ги повторува апелите до возачите да не возат пребрзо и посебно без положен возачки испит, зашто на тој начин најдиректно ја доведуваат во прашање сопствената и безбедноста на другите учесници во сообраќајот. На пешаците им укажува да бидат максимално внимателни.

„На возачите им се советува, исто така, навреме да ја проверуваат техничката исправност на возилата, да не седнуваат зад волан под дејство на алкохол, изморени и без потребната опрема и секогаш да им даваат предност на пешаците, но и да се однесуваат максимално одговорно кон другите учесници во сообраќајот, мотоциклисти, велосипедисти и така натаму. До пешаците апелираме на внимателност, посебно кога се движат по улици или патишта на кои нема обликувани тротоари, но и како и каде ги преминуваат улиците без обележани пешачки премини. Со тоа сите ќе придонесат за вкупната сообраќајна безбедност, не само на гостиварското, туку и на поширокото подрачје.“, нагласува СВР.

Маркетинг

Advertisement
Advertisement

Огласи за вработување:

Гостиварпред 5 часа

Свеченост за 24 Мај во Гостивар: Почит кон нашето културно и духовно богатство

Парламентарни избори 2024пред 9 часа

ДИК ги додели уверенијата за пратенички мандати

Македонијапред 10 часа

Јадење, пиење, облека, сметки…Мајските трошоци за семејство 60.090 денари

Македонијапред 11 часа

Велковски: Околу 9000 социјални семејства оштетени за 120 евра годишно

Македонијапред 12 часа

Метео предупредување за невреме

Гостиварпред 12 часа

Два случаи на семејно насилство вчера на подрачје на Гостивар

Македонијапред 15 часа

Македонија дел од кампања на Амбер Алерт Европа-Како да се постапи при исчезнување на дете

Гостиварпред 15 часа

Света архијерејска Литургија во бигорскиот скит во Битуше посветен на браќата Кирил и Методиј

Парламентарни избори 2024пред 16 часа

Гласаат болни, немоќни и затвореници пред утрешното прегласување за парламентарните избори во 7 избирачки места

Гостиварпред 2 месеци

Света архијерејска Василиева литургија во Гостивар со гости од Србија и чин на ракоположување

Гостиварпред 2 месеци

Со љубов и почит кон корените – „Танец“ одржа концерт во Гостивар

Гостиварпред 4 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 5 месеци

Ангелчињата во Гостивар го најавија Христовото раѓање-Бадникова поворка 2024

Спортпред 5 месеци

По првиот круг од сезоната КК Гостивар „виси“ на 8-та позиција на табелата

Спортпред 5 месеци

Кехинде од пенал му пресуди на Македонија Ѓорче Петров 1-0

Гостиварпред 9 месеци

Стефановски: Гостивар одличен како домаќин и публика, благодариме од срце!

Спортпред 9 месеци

ФК Гостивар загуби на домашен терен од Силекс 1-2

Гостиварпред 10 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Advertisement

Популарно изминативе 100 дена