Сопственикот на Дурмо Турс, возачот и другите обвинети за автобуската несреќа остануваат во домашен притвор

Кривичниот суд не го прифати предлогот на обвинителството за мерка притвор и го продолжи  куќниот притвор за обвинетите за трагичната автобуска несреќа кај Ласкарци.

„Постапувајќи по предлог на Основното јавно обвинтелство за определување мерка притвор за шест лица, опфатени со обвинителниот акт за автобуската несреќа која на 13.02.2019 година се случи кај селото Ласкарци, Кривичниот совет при Основниот кривичен суд – Скопје по разгледвање на фактите и доказите во предлогот донесе решенија со кои предлогот на обвинителството за определување мерка притвор го одби како неоснован, а ја продолжи мерката куќен притвор за нови 30 дена.“, се наведува во соопштението на Кривичен.

Како што веќе пишувавме, Основното јавно обвинителство Скопје поднесе обвинение против газдата на фирмата, возачот на автобусот и уште четири лица за сторени тешки дела против безбедноста на луѓето и имотот во сообраќајот кои резултираа со тешката сообраќајна несреќа кај Ласкарци, во која загинаа 16 лица, а 38 беа повредени. За обвинетите Обвинителството бараше мерка притвор.

Поднесениот обвинителен акт, согласно АКМИС – системот е распореден на оценка кај совет за оценка на обвинителен акт, кој треба да закаже седница.