Состојбата на Русино е стабилизирана, екипите остануваат на терен

Пожарот кој викендов ја зафати регионалната депонија Русино кај Гостивар, е ставен под контрола и состојбата е стабилизирана. Екипите и денес продолжуваат интензивно да работат, со покривање на теренот со земја.

„Состојбата е стабилна, на некои места се` уште се појавува чад и ние остануваме и работиме тука се` додека ризикот не се острани 100%. Комуналец работи со своите капацитети, ангажиравме и приватна фирма, а исто така и Дирекцијата за заштита и спасување ангажираше компанија.“, рече директорот на ЈП „Комуналец“, Исак Лазами.

Од подрачното одделение на Дирекцијата за заштита и спасување, информираа дека фирмата што ја ангажирале на Русино, активира 14 градежни машини, камиони и цистерна.

Механизацијата најверојатно ќе остане да интервенира на депонијата и во наредните денови.

Од пожарот драматично беше во саботата навечер, кога Гостивар беше обвиткан во чад.