Социјална помош: Околу 1.600 семејства во Гостивар обновиле документи, стотина за прв пат поднеле барања

Во текот на јануари во Центарот за социјална работа во Гостивар се спроведе годишната обнова на документи за корисниците на социјална парична помош. Обврската да ја обноват документацијата ја завршиле околу 1.600 семејства, додека до службите биле доставени  стотина нови барања, од семејства кои за прв пат бараат да го користат ова право.

Според воведените новини семејствата за користење средношколски надоместок, социјално ранливите семејства веќе нема да мора дополнително да се пријавуваат, туку доделувањето на средствата ќе се одвива автоматски.

Во гостиварско паричен надоместок како помош за школувањето добиваат околу 330  средношколци. Годишно на ученциите им следуваат 12 илјади денари кои се исплаќаат на четири рати. За да можат да го земаат овој надоместок, средношколците мора да бидат редовни ученици и да не изостануваат од настава.