Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 21/09/2018

Совет на општина Гостивар – Се „кршеа копјата“ околу субвенции за ЈП Ринија

Советот на општина Гостивар на денешната седница, не ја поддржа предлог одлуката за доделување на субвенции од 500 илјади денари за Јавното претпријатие Ринија.

Советничката група на ДУИ, која го има мнозинството, беше против доделување на субвенции. „Општината најпрво да издвои пари од буџетот за училиштата, а потоа да се даваат субвенции на претпријатието. Советот веќе претходно донесе одлука со која на ЈП Ринија му беа доделени 700 илјади денари кои требало рационално да се трошат. Со тие пари раководството не платило ниту една сметка за струја, а сега повторно бараат субвенции за долгови за струја“, рече Газменд Мемеди од ДУИ.

Советникот од Алијанса за Албанците, Берат Јакупи пак потенцираше дека претпријатието кое стопанисува со спортската сала треба да се поддржи и образложи дека со претходно дадената сума биле исплатени платите за вработените. Од Секторот за финансии и буџет рекоа дека со донесувањето на буџетот биле определени средства за училиштата и дека не е точно оти тие не се исплаќаат на образованите установи.

Оставете коментар

Вашата Емаил адреса нема да биде објавена.Задолжителните полиња се означени *

*