Совети и едукативни летоци од полицијата за возачите во Маврови Анови

Денеска во населбата Маврови Анови, полициски службеници од Полициското одделение Маврово реализираа превентивни активности од областа на безбедноста на сообраќајот.

Со пораките – „Биди одговорен возач“, односно „Вози одговорно, патувај безбедно“ и „Биди подготвен за безбедно патување во зима“, полициските службеници во непосредна комуникација со возачите укажуваа и апелираа на стриктно почитување на сообраќајните правила и прописи, особено сега во зима, кога условите на патиштата бараат максимална внимателност, извести МВР.

Воедно, на возачите им беа делени и едукативни летоци изработени во соработка со Републичкиот совет за безбедност на сообраќајот на патиштата со корисни информативни содржини во интерес на безбедноста во сообраќајот.