Советниците на Општина Гoстивар подарија новогодишни пакетчиња за деца во социјален ризик

Во пресрет на Новата година, членовите на Советот на Општина Гостивар решија да внесат малку радост кај дечињата од социјално ранливи семејства, и за таа цел собраа средства и ги наменија за купување на новогодишни пакетчиња. По денешната последна седница за годинава, 120 пакетчињата се распределија на деца во социјален ризик.

„Ја покренавме оваа акција како советници и мило ни е што на ваков начин ќе ги израдуваме намалите. Што се однесува до 2022-ра година би кажал дека сите имавме проблеми и тешкотии, но јас како претседател на Советот сум задоволен што покажавме дека работиме за граѓаните и во оваа прилика би им се заблагодарил на сите советници за конктруктивноста. Се надевам дека 2023-та ќе биде подобра и поупешена година“, рече претседателот на Советот, Валбон Лимани.