Вести
Советот ги отфрли решенијата на Таравари – кој е во право ќе одлучува Инспекторатот
Мнозинството во гостиварскиот совет изгласа да се отфрлат решенијата за оспорување на одлуките за формирање на Верификационата комисија и за избор на претседател на Советот, што ги донесе градоначалникот Арбен Таравари. Претседателот Насир Муслиу од ДУИ рече дека иако решенијата биле донесени со задоцнување, како Совет имаат обврска да ги стават на дневен ред.
Таравари повтори дека изборот е направен со притисоци, но и дека тие не можат ништо со сила да сменат туку ќе го почитуваат мнозинството од 16 гласа.
„Замислете, денес претседателот на Совет го носат со полициски возила, а ние ниту некому сме се заканиле, ниту сме им рекле нешто. Под диктат на СДСМ, успејаа да направат мнозинство од 16 советници и ние со сила не можеме да го смениме тоа, па ќе го почитуваме, бидејќи тоа е мнозинство. Во меѓувреме, за законитоста на изборот на претседател на Советот, покрената е постапка во Инспекторатот за локална самоуправа“, изјави градоначалникот коментирајќи го и неприфаќањето на предлогот за распределба на средства во буџетот за вработените во училиштата, како лош потег на мнозинството на штета на наставниците и професорите.
И денешната втора седница на Советот мина со паузи за координација, објаснувања и контрирање меѓу политичките противници. Советниците најпрво влегоа во дискусии околу записникот од минатата седница за кој беше констатирано дека има повеќе технички грешки, поради што не беше усвоен. Потоа, советниците се надмудруваа дали без усвоен записник има логика да се продолжува со седницата. Алијанса, БЕСА и ВМРО предлагаа да се прекине, за разлика од партиите во мнозинството кои одлучија седницата да продолжи.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар