Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 14/04/2019 | 12:09

Советот ќе одлучува за изградба на Туристички инфо центар во Гостивар

Советот на општина Гостивар утре (15 април) ќе ја одржи тринаесеттата седница со единствна точка на дневниот ред, предлог – одлука за одржливост на Туристички информативен центар.

Како што е наведено во предлог-одлуката, се работи за одобрување на финансии за реализација на проектот “Паметни Инфо и Промо Центри”, односно за изградба на монтажен објект Туристички инфо центар, предвиден на локација во центарот на градот.

Во образложението стои дека проектот Паметни Инфо и Промо Центри (Smart Tourist Info and Promo Offices) е највисоко рангиран на регионалните форуми одржани во Полошки плански регион во рамки на проектот: “Одржлив и инклузивен рамномерен  регионален развој” финансиски поддржан од Министерство за локална самоуправа и Швајцарската агенција за развој и соработка (СДЦ), а спроведуван од страна на Центарот за Развој на Полошкиот плански регион, врз основа на приоритетност.

 

Напишете коментар