Поврзи се со нас

Гостивар

Советувања за основците во Гостивар – „Не биди жртва на социјалните мрежи“

Секторот за внатрешни работи Тетово започна со нов превентивно-едукативен проект „Не биди жртва на социјалните мрежи-сурфај безбедно“, наманет за полуматурантите.

Со проектот ќе бидат опфатени над 3.500 деветтооделенци од сите основни училишта на тетовско-гостиварското подрачје, кои следат настава во над 200 паралелки, додека за неговото спроведување задолжени се дваесет претходно обучени полициски службеници.

„Предвидени се посебни предавања во училиштата, на кои на учениците ќе им биде објаснето како и со кого да комуницираат на социјалните мрежи, а тие да не бидат злоупотребени, но и ќе им се советува да бидат максимално претпазливи во комуникацијата. Покрај тоа, на учениците ќе им се укаже да не испраќаат нивни фотографии и видео материјали на непознати лица и особено не фотографии со експлицитна содржина. Учениците, исто така, ќе се предупредат и на можните ризици од нивно учество во видео-игри со елементи на насилство, самоповредување или други содржини на насилно и непримерно однесување.“, стои во соопштението од СВР.

Целта на проектот, чиј носител е Отсекот за превенција, е учениците поблиску да бидат информирани за можните злоупотреби на социјалните мрежи и ефикасно да се самозаштитат од истите.

Сподели:
Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!