СП 2017: Лино Червар – “Мора да бидеме помудри и поборбени од словенците”

По двете стартни победи, следуваат дуелите со трите европски репрезентации во рамките од Б групата. Денес македонската репрезентација за противник ја има репрезентацијата на Словенија  За пласман во следната фаза е потребно да се освои барем еден бод на следните натпревари. Шанса за осминафинале имавме и вчера, но дуелот меѓу Исланд и Тунис заврши без победник 22:22, па двете селекции пред се Тунис останаа со шанса за осминафиналето бидејќи и двете до крајот ќе играат против Ангола.

– Словенија има одличен стратег на клупата. Би бил смешен ако кажам дека не го почитувам. Тој е и играчка и тренерска легенда и со него Словенија се крена и игра подобро. Но, ние не одиме да се предадеме, туку да се бориме до последен момент. Словенија не е физички импозантна екипа. Имаат еден-двајца високи и снажни играчи, но се исклучително добро тактикчки и технички подготвени. Нив им нефостигаат четири одлични плејмејкери, а сепак, имаат двајца играчи, Безјак и Зарабец кои им ја организираат целата игра и се одлични органзатори.

Ние прво мораме да бидеме поборбени од нив, што автоматски значи дека и нашата одбрана ќе биде подобра. Тоа пак води кон спречување на нивната транзиција. Мораме да бидеме мудри, да работиме максимално внимателно, затоа што грешки против ваков противник скапо се плаќаат. – изјави Червар.

Дуелот Македонија – Словенија се игра денес од 17:45 часот.