СП 2017: Македонија вечерва против Ангола во 20:45 часот

Денеска македонските ракометари во вечерниот термин од 20:45 часот ќе се соочат против селекцијата на Ангола во рамки на Светското првенство Франција 2017.

– Мислиме на вториот ривал Ангола. Проблем ни се повредите на Велко Маркоски и Дејан Манасков. Велко Маркоски е важен играч за нас особено во одбраната 5-1 не е исто дали е тој или Талески. Со Тунис моравме да ја играме и одбраната 6-0. Имаме и Б комбинација, но не е исто. Манасков има повреда на зглобот, има оток. Ќе гледаме делови од нивниот дуел со Словенија и ги гледавме во полуфиналето на афрканското првенство каде играа многу подобро. Можеби им влијае и промената на климата.

За нас е најопасно, ако се опуштиме, одиме чекор по чекор, најмногу се плашиме од самите себе. Треба да се игра со најдобрите, а потоа може да им се даде шанса на другите – изјави селекторот на Македонија Лино Червар.