СП 2017: Словенија подобра од Македонија (29-22)

Ракометарите на Македонија го забележаа првиот пораз на Светското Првенство во Франција, откако во третото коло од групата „Б“ загубија убедливо од Словенија со 29-22.

Македонија потфрли во секој сегмент на ракометната игра. Грешките што се провлекуваа во првите два мунадијалски меча ги имаше и овојпат, но овојпат имаше и далеку поквалитетен противник што знаеше да казни се што доби како прилика. Свој ден немаа голманите, лоша беше играта во одбрана пришто Словенците добија простор колку сакаат. И максимално го користеа.

Резултатот по првиот дел беше 16-10 за победничкиот табор кој имаше целосна доминација во дуелот со нашата репрезентација.

Најдобар стрелец во нашиот тим беше капитенот Кире Лазаров со девет погодоци од вкупно 18 обиди. По него следеше Стоилов со 3 гола на мечот.

Македонија за пласманот во осминафиналната рунда ќе треба да го сочека дуелот меѓу Словенија и Тунис, евентуална победа на словенците ќе значи и дефинитивен прогрес во следната фаза за нашата репрезентација.