СП 2019: Македонија денеска игра против Шпанија (20.30 часот)

Продолжуваат возбудувањата на 26-тото Светско првенство во ракомет кое се одружува во Германија и Данска. Македонската селекција после одличното отварање и победите против Јапонија и Бахреин во третото коло загуби од Хрватска. Избраниците на Раул Гонзалес ја бркаат третата победа која носи сигурен пласман во вториот круг.

Во денешниот дуел македонските ракометари влегуваат во „невозможна“ мисија против селекцијата на Шпанија. Шпанците се меѓу главните претенденти за титула на ова првенство, во досегашните шест дуели нашата репрезентација нема победа против „црвената фурија“. Гонзалес одлично ги познава шпанците, и тој и капитенот Лазаров најавуваат отворена борба без штедење на силите во денешниот натпревар. Иако сите погледи се свртени кон утрешниот дуел со Исланд, за кој распоредот сакаше како и минатото првенство, Македонија за помалку од 20 часа, да ги одигра двата одлучувачки натпревари.