Спасен моторџија кој паднал во провалија на Шара кај караулата Мазрача

Центарот за управување со кризи информираше дека вчера успешно било извлечено лице кои со мотор паднало во провалија близу караулата Мазрача.

„Во 17.31 часот е примена пријава за повредено лице по пад во провалија со мотор. Локација била на тешко пристапен терен на место викано „Мала Врата“ кај „Црно Езеро“ на Шар Планина, во делот кај караулата „Мазрача“ на дел кон границата со Косово. Лицето се движело со мотор, а по падот во провалијата ја скршило ногата. Во 18.15 часот од Полициската станица Галате известија дека полицајци од ПС Мазрача успеале да го извлечат и да го спуштат до село Ѓурѓевиште каде што ги чекала екипа на Итна медицинска помош од општата болница „Ферит Мурат“ од Гостивар.“, соопшти ЦУК.

Од таму и информацијата дека Противпожарната единица на Гостивар вчера во период од 17.30 до 17.55 часот, со едно возило и 3 пожарникари интервенирала на запален запалено ѓубриште покрај ул. „18 Ноември“ во Гостивар.