Гостивар
Спасовски во Маврово-Ростуше: Само со подобри услови, полицијата ќе може да испорачува врвна безбедност
Министерот за внатрешни работи, Оливер Спасовски заедно со државната секретарка, Магдалена Несторовска денес остварија работна посета на Општина Маврово-Ростуше каде со градоначалникот на општината, Медат Куртовски разговараа за безбедносната состојба во општината и овој регион како и за посветеноста на локалните власти во изградба и реконструкција на повеќе објекти од битно значење за граѓаните.
,,И во најтешките моменти на кризата со пандемијата Ковид -19 , продолжуваме целосно да ги реализираме важните инвестиции, да инвестираме во суштинските области и во државните капацитети кои ќе генерираат напредок и прогрес“, истакна министерот.
Градоначалникот Куртовски искажа задоволство од соработката со безбедносните служби и во овој исклучително тежок период на пандемија.
Спасовски и Несторовска направија обиколка во близина на полициското одделение во Ростуше каде во тек се интензивни градежни активности.
Во поглед на безбедносната состојба на овој регион нарушувањата на јавниот ред и мир споредено со истиот период минатата година заради Ковид -19 пандемијата се значително намалени, но од полициското одделение велат дека и во овие специфични услови на пандемија се карактеризираат со добра покриеност на регионот со патролни служби и редовни активности на полициските службеници. Така во поглед на стапката на криминалитет за изминативе девет месеци од 01.01.2020 до 30.09.2020 од 35 кривични дела кои се гонат по службена и приватна тужба расчистени се 20 или процентуално 75%.
„Наш врвен приоритет и во иднина останува да вложуваме во условите за работа, во техника и опрема бидејќи само со подобри услови за работа полицијата ќе може да испорачува врвна безбедност, што директно влијае на унапредување на квалитетот на животот на сите граѓани“, рече министерот Спасовски
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар