Спектакл во Гостивар – Падна и шампионот Работнички (80:70)

Голема победа на екипата на КК Гостивар во Младост на вечерашниот дерби дуел против шампионот Работнички (80:70). Вистинска кошаркарска претстава приредија актерите на двете екипи со атрактивни потези, шутерско шоу и борба цели 40 минути.

Гостиварци уште на самиот почеток најавија дека се решени да му се спротистават на шампионот. Првата четвртина заврши изедначено, сите останати му припаднаа на домаќинот (17:17, 25:10, 17:14, 21:19). Кошаркаркската празнична атмосфера во Младост се претвори во спектакл, навивачите приредија амбиент за игра каква само може да посака секој клуб, домашните играчи го искористија тоа и на шампионот и освојувач на годинешниот кошаркарски куп му немаше спас.

Тенк Ефианаи, одигра одличен натпревар, постигна 22 поени и 6 скокови на паркетот помина 36 минути. Фурстингер запиша 17 поени и 8 скока, Ре.Димитриески 10, Сегариќ запиша 9 поени со 6 асистенции, Тасоски 8 поени. Димчески и Костоски постигнаа по 7 поени, плејмејкерот имаше и 8 асистенции.

Кај гостите Чавдар Костов се издвои со 16 поени.

Последните 40 секунди од натпреварот, најдобро објаснуваат што се случуваше вечерва во Гостивар:

Токму ова се натпреварите, поради кои треба да постои кошарката и спортот.