Поврзи се со нас

Спорт Гостивар

Спектакл во најава: КК Гостивар во сабота го пречекува МЗТ Скопје (17:30 часот)

Ждрепката сакаше КК Гостивар да игра против најтрофејните македонски клубови во две кола по ред. Во минатото 2.коло, гостуваше во Градски парк, каде ја надигра екипата на Работнички, но на секунда пред крај го загуби мечот. Во 3.коло, во сабота во Гостивар, гостува екипата на МЗТ Скопје.

„Штрковите“ се едни од најголемите претенденти за титула сезонава. Имаат одличен ростер, во кој пред се е собрано многу искуство. МЗТ Скопје е единствена екипа од Македонија, која се натпреварува и на меѓународен план, односно во АБА2 лигата, каде од 5 одиграни кола, имаат 5 победи.

Гостиварци сеуште не може да го преболат поразот во последна секунда од Работнички, прикажаната игра, надигрувањето на противникот на секоја позиција, најавата за казни на судиите поради лоша арбитража го прават Гостивар само посилен противник. Дали сметката на сето тоа ќе ја плати МЗТ Скопје, ќе дознаеме во сабота.

Ова е и прв сериозен тест за гостиварската публика во новата сезона. Навивачката група Гемиџии подготвува вистински спектакал за натпреварот и ги повикува сите на кои бело-сината боја им е во срце да им се придружат. Од кошаркарскиот клуб пак апелираат за фер и коректно навивање и да се почитуваат правилата за однесување на спортски натпревари, за да се избегнат финансиски казни.

Бело-сината пресметка помеѓу КК Гостсивар и МЗТ Скопје во Младост, започнува од 17.30 часот. МРТВ, го издвои овој натпревар како дерби на колото и ќе врши директен пренос од Младост.

Сподели:
Остави коментар

Напишете коментар

Advertisement
Advertisement
Advertisement
Advertisement

АНКЕТА

Дали сте задоволни од понудените мерки на Владата, за справување со економската криза?

Резултати од анкетата

Advertisement

Популарно изминативе 100 дена

error: Содржината е сопственост на Gostivarpess.mk!