Гостивар
Спласна интересот за вакцини против ковид во Гостивар, трета доза примиле 15-тина лица

Значително е намален интересот кај населението од Гостивар и гостиварско за антиковид вакцинација. Пред пунктот на Здравствениот дом нема гужва, за разлика од периодот на воведување на рестрикциите за невакцинирани и силен ковид бран, кога пред имаше редици и за вакцина се чекаше со часови.
На дневна основа во пунктот во градот со прва доза се вакцинираат околу 50-тина граѓани, плус до 30 во пунктовите во Врапчиште и Чегране.
„На пунктот во Гостивар работиме, како и претходно, од 8 до 18 часот, но интересот за вакцинација за прва доза е намален за разлика од јули, август, септември. Веќе нема гужви како претходно“, рече д-р Дафина Богданоска од Здравствниот дом Гостивар.
Кон крајот на септември во земјава започна вакцинација и со трета доза. Препораката најпрво важеше за медицинари, постари и лица со имунолошки болести. Но, потоа се дозволи за сите граѓани. Вакцинираните со Синовак и Синофарм трета доза може да примат откако ќе поминат 3 месеци од втората, а вакцинираните со останатите вакцини по шест месеци.
„Околу 15 граѓани до сега побарале да бидат вакцинирани со трета доза. Граѓаните добиваат СМС порака, откако ќе помине определеното време, зависно со која вакцина се претходно вакцинирани и потоа може да дојдат и да примат трета доза, која е исклучиво Фајзер. Инаку моментално и за прва доза вакцинираме само со Фајзер“, вели д-р Богданоска.
Гостивар е со стабилна ковид состојба. Новозаразени се регистрираат во мал број, активно болни има вкупно 64.
-
Гостиварпред 3 месеци
Храбра во борбата со рак, Рената од Гостивар споделува за голготата, болката, сомнежите, надежта…
-
Гостиварпред 3 месеци
Несреќа во Гостивар: Со „бмв“ удрил во пешак, па во ограда и куќа
-
Гостиварпред 2 месеци
(Видео) Мечка ноќеска се симна во Жировница-Отстрел ќе нема, одобрени превентивни мерки
-
видео емисиипред 2 месеци
Емисија „МИНУТИ ЗА СЕКОГО“ Гости: Анета Ќироска и Ема Нешковска | Женски прашања
-
Што, како, каде?!пред 2 месеци
Natasha Beauty Center во Гостивар слави 14 роденден со нова локација-Љубов и почит кон убавината и негата
-
Гостиварпред 3 месеци
Стефановски: Гостивар одличен како домаќин и публика, благодариме од срце!
-
Гостиварпред 3 месеци
Убава можност за музичко уживање во Гостивар: Концерт на Влатко Стефановски Трио, влезот е бесплатен
-
Што, како, каде?!пред 1 месец
Fast food ‘Smile’ нова сендвичара во Гостивар која ги развеселува сите сетила