„Спортот не` обединува“ во Гостивар – настан посветен на децата со посебни потреби

Во спортската сала „Младост“ во Гостивар во рами на културно лето 2019 година, се одржа настан посветен на децата со посебни потреби, под мотото „Спортот не` обединува”. 

Дечињата имаа можност да се вклучат во различни спортски активности, карате, кошарка, фудбал и други забавни игри и вежби. Друштво им правеа членови на локални спортски клубови, претставници од локалната самоуправа, јавниот живот, здруженија и волонтери.

Настанот беше организиран од Здружението на лица со посебни потреби „Заедно можеме” со поддршка на Општина Гостивар. 

„Им се заблагодаруваме на сите кои беа дел од овој настан и со тоа ја покажаа својата поддршка и љубов кон децата со посебни потреби, кои навистина ни се многу потребни“, рекоа од Здружението.

Од општинскиот Сектор за јавни дејности, велат дека Општина Гостивар посветува посебно внимание на оваа категорија деца и ќе продолжи да организира или поддржува активности во правец на нивната социјална инклузија.