Спортската сала во гостиварско Дебреше пуштена во употреба

Спортската сала на основното училиште „Фаик Коница“ во гостиварското село Дебреше, денес официјално беше пуштена во употреба. Објектот опфаќа површина од 1.200 метри квадратни, а инвестицијата која надминува 37 милиони денари е на Министерството за образование и наука.

„Ова е свечен чин. Процедурите и обидите за изградба на салата почнале од 1994 година и после толку време и неуспешни процедури, дојдовме до ситуација овој објект да се заврши. Задоволството е големо, затоа што ова е спортска сала која по големина и критериуми важи за една од најдобрите во регионот.“, изјави Шабани.

На отворањето на салата се обрати и градоначалникот Арбен Таравари.

На пуштањето во употреба на спортската сала во Дебреше присуствуваше и потпретседателот на Собранието, Фадиљ Зендели, високи функционери од ДУИ, пратеничките Арта Биљали Зендели и Вјолца Адеми, заменик министерот за одбрана Башким Хасани и други.

Освен за потребите на учениците, салата ќе служи и за организирање натпревари во мали спортови.