Спортски активности во Гостивар по повод Денот на лица со Даунов синдром

Меѓународниот ден на лицата со Даунов синдром 21 март во Гостивар се одбележа со спортски активности и штафета.

Во спортската сала „Младост“ се дружеа и спортуваа заедно децата од Дневните центри за лица со посебни потреби од Гостивар и Тетово, како и од специјалните паралелки од гостиварските училишта, заедно со нивните родители и наставници.

„Овие деца не бараат ништо, освен наша посветеност, љубов и да се грижиме онака како што треба, како и за сите други деца и луѓе. Ние како општество, како поединци, како локална и централна валст треба да направиме се што можеме за ваквите ранливи групи на граѓани“, порача градоначалникот Арбен Таравари од настанот.