Bejta: Për vetëm 100 ditë Gostivari do të jetë komunë e pastër, ja 24 projektet e para

“Bashkë me ekipin tim përgatita plan ambicioz, por edhe praktik për komunë më të mirë të Gostivarit, me zgjidhje të vërteta për problemin e trafikut, për deponinë Rusino, për qendër qyteti pa kazino dhe Gostivar pa qen endacak. Ky plan është agenda jonë e gjelbërt për Gostivarin. Për disa nga projektet më të mëdha do të duhet pak më shumë kohë që të mbarohen, të tjera në mënyrë direkte dhe menjëherë do t’a përmirësojnë jetën në Gostivar për ju dhe për të gjithë qytetarët.”, theksoi në pres konferencën e pres konferencën e sotme, kandidati për kryetar të Gostivarit nga BDI, Nevzat Bejta.

Ai prezentoi 24 projekte, për të cilat premton se do t’i realizojë në 100 ditët e para të mandatit të kryetarit.

1. Pastrim i të gjitha deponive të egra;
2. Zgjidhje të problemit me qentë endacak;
3. Rregullim të udhëkryqeve dhe pajisja e tyre me vegla për lehtësimin e lëvizjes së personave me aftësi të kufizuara;
4. Instalim i ashensorit tek ndërtesa komunale;
5. Ueb faqja zyrtare e komunës së Gostivarit dhe ndërmarrjeve publike do të jetë transparente dhe do të mundësojë komunikim interaktiv me qytetarët dhe mediumet;
6. Krijim i online platformës në kuadër të ueb-faqes së Komunës për komunikim 24/7 me qytetarin;
7. Digjitalizim i shërbimeve komunale dhe dërgimi i kërkesave të qytetarëve në kohë reale online;
8. Rehabilitim i rezervoareve me doza të klorimit në këto fshatra: Forinë, Çegran, Balindoll, Reçan, Vërtok, Simnicë, Gjonovicë e Poshtme, Sërmnovë, Patalisht, Turçan, Brodec, Qafë, Llakavicë, Zhelezna Rekë, Tërnovë, Strajan, Jellovcë e Poshtme;
9. Hapje të zyrës për promovim dhe tërheqje të investimeve;
10. Zvogëlim i tatimeve komunale në zonat industriale dhe objekteve të tjera për 50%;
11. Zvogëlim i tatimeve komunale dhe taksave për çdo ndërmarrje të vogël dhe të mesme që do të promovojë produkte të reja dhe shërbime në treg;
12. Zvogëlim të tatimeve komunale dhe taksave deri 50% për bizneset lokale në kohë të pacaktuar;
13. Pagesë të obligimeve të vjetra siç janë të ardhurat tatimore dhe tatimet komunale;
14. Formim të Repartit për bujqësi në kuadër të Komunës, ku bujqit përkrah Ministrisë së bujqësisë për kulturat e mbjellura bujqësore do të mund të aplikojnë për subvencione në sektorin bujqësor në Komunën e Gostivarit;
15. Themelim i kinemasë së qytetit të Gostivarit (në kuadër të Qendrës për kulturë gostivarase);
16. Riaktivizim të Këshillit rinor lokal. Risi do të jetë edhe përfaqësuesi i rinisë në Këshillin e komunës. Garantojmë mbështetje për zbatimin e projekteve në fusha të ndryshme;
17. Përgatitje të Programit për kyçje, zhvillim dhe mbështetje të të rinjve dhe sportit;
18. Riorganizim të njësisë speciale organizative, e cila do të merret vetëm me pyetjet të lidhura me mbrojtjen dhe mirëqenien sociale;
19. Përgatitje e planit strategjik për mbrojtje dhe mirëqenie sociale në bashkëpunim me sektorin joqeveritar;
20. Vendosje e profilit social të Komunës së Gostivarit;
21. Formimin e Këshillit për mbrojtje sociale;
22. Përgatitje e planit strategjik për integrim të perspektivës gjinore në gjithë politikat dhe planet aksionare në komunën e Gostivarit për periudhën 2021-2025;
23. Përgatitje e Planit Aksionar për fuqizim ekonomik të grave, mbështetje të ndërmarrjeve të krijuara nga gratë;
24. Përgatitje e Planit Aksionar për integrim të pyetjeve gjinore në sistemin arsimor;