Gostivar- Furgonat dhe autobusët me defekt të shkyçur nga trafiku

Sot (14 dhjetor) nga ora 6 deri në 8:00, zyrtarët policorë të Sektorit të Punëve të Brendshme Gostivar kanë kryer aksion lokal kontroll të automjeteve që kryejnë transport publik në zonën e gjerë të Gostivarit, kryesisht autobusë dhe furgona.

“Gjatë kontrollit janë zbuluar dhe sanksionuar ligjërisht 9 automjete me defekt. Katër prej tyre kanë pasur frena me defekt, një me pajisje drejtuese me defekt, ndërsa katër kishin kontroll teknik të pakryer. Mjetet me defekt janë përjashtuar nga trafiku dhe drejtuesve të mjeteve u janë përgatitur parashtresat përkatëse”, njoftoi SPB.