Makpetroll: Ulja e marzhit do të shkaktojë krizë karburantesh dhe bllokim të ekonomisë

Zvogëlimi i papritur i marzheve për tregtimin e derivateve nga 4,5 në tre denarë, përkatësisht për 33 për qind, që historikisht është marzhi më i ulët për tregtarët, krijoi kushte jotregtare që do të çojnë në krizë me furnizimin me naftë dhe derivatet e naftës. Duke pasur parasysh lidhjen e ngushtë mes furnizimit të rregullt të karburanteve dhe funksionimit normal të shoqërisë, ekziston rreziku serioz i një bllokimi të plotë të ekonomisë, jo vetëm në planin afatshkurtër por edhe afatgjatë.

● Masat e tilla që Komisioni Rregullativ për Shërbimet e Energjisë dhe Ujit të RSM-së dhe institucionet e tjera i merr pa asnjë konsultim me tregtarët, në këtë rast me naftën dhe derivatet e naftës, janë të papërshtatshme për krizën globale, e cila posaçërisht prek kompanitë e përfshira me furnizim të karburanteve. Ky sektor ka operuar me humbje javët e fundit për shkak të metodologjisë joadekuate të llogaritjes, e cila çon në çmime blerjeje më të larta se çmimi ekzistues me pakicë. Me uljen e mëtejshme të marzheve, humbjet do të jenë të mëdha. Theksojmë se kjo mund t’i detyrojë disa tregtarë të ndalojnë shitjen e derivateve, dhe ky është një opsion që Makpetroll po e shqyrton seriozisht – theksojnë nga kompania.

Kompanitë që furnizojnë naftë dhe derivate të naftës nuk mund të mbajnë barrën e mbajtjes artificiale të çmimeve të ulëta të karburanteve, si kategori sociale. Megjithatë, është detyrim i shtetit dhe i të gjitha masave që disponon, por jo në kurriz të logjikës së tregut dhe të kompanive private.

Kjo masë populiste është e paqëndrueshme dhe mund të krijojë panik shtesë tek qytetarët, rritje të kërkesës dhe mungesë karburanti.

(tekst PR)