Prej të mërkurës fillon ndalesa për qeset e plastikës

Prej të mërkurës, 1 Dhjetor, do të hyjë në fuqi ndalesa për qeset e plastikëd, gjegjësisht do të jetë e lejuar shitja vetëm e qeseve të biodegradueshme për të cilat do të paguhet kompensim prej 15 denarë për fond specijal për mjedisin jetësor.

Pas vendimit për ndalimin e përdorimit të qeseve plastike muajin e kaluar, ministri i Mjedisit dhe Planifikimit Hapësinor, Naser Nuredini, theksoi se ideja për çmimin e qeseve plastike është të ulet përdorimi i plastikës.

• Fondi që do të krijohet nga këto 15 denarë për çdo blerje të një qese plastike do të shkojë në një fond të veçantë që do të investohet në mjedisin jetësor, por do të investohet edhe në ndërgjegjen e qytetarëve se si të menaxhojnë mbeturinat në vendin tonë. Ideja është që ai që ndot dhe të paguajë dhe kështu prodhuesit që do të sjellin produkte në vendin tonë duhet të kontribuojnë dhe kjo do t’i bëjë ata të kontribuojnë në infrastrukturën me kontejnerë të ndryshëm në vendin tonë ku ne si qytetarë do t’i selektojmë mbeturinat dhe me këtë do të krijojmë një sistem ku vetë qytetarët do t’i selektojnë mbeturinat, ka sqaruar më pas Nuredini.

Nga 1 Dhjetor, siç informoi, do të ndalohet plastika për një përdorin në objektet hotelierike në zonat e mbrojtura – domethënë Pelister, Mavrovë, Mali Sharr, etj.