Nga nesër aplikohet për ushqim të subvencionuar për studentët që nuk e kanë vënë re këtë të drejtë deri më tani

Ministria e Arsimit dhe Shkencës informon se nga nesër deri më 31 dhjetor mund të aplikohet sërish për realizimin e të drejtës së ushqimit të subvencionuar të studentëve.

• Mund të aplikojnë të gjithë studentët që plotësojnë kushtet në përputhje me Ligjin për ushqimin e subvencionuar të studentëve, por që nuk kanë arritur të paraqiten dhe/ose ta realizojnë të drejtën në afatin e parë dhe të dytë. Kjo mundësi do të jetë e disponueshme çdo muaj nga data 20 deri më datën 30, gjegjësisht 31 të muajit, thuhet në njoftimin e Ministrisë së Arsimit dhe Shkencës.

Aplikacioni për ushqim të subvencionuar të studentëve është i digjitalizuar, përkatësisht zbatohet vetëm në mënyrë elektronike përmes portalit https://e-uslugi.mon.gov.mk/ duke i bashkangjitur vetëm dy dokumente – aplikacionin dhe deklaratën për saktësinë e të dhënave dhe të dhënat e xhirro llogarisë personale.

Të drejtë të kësaj mbështetje financiare kanë të gjithë studentët e rregullt të regjistruar në studimet universitare në institucionet e arsimit të lartë shtetëror dhe privat, të cilët janë shtetas të Republikës së Maqedonisë dhe të cilët nuk janë në punë të rregullt, nuk janë të regjistruar si bujq individualë dhe nuk kanë të ardhura mujore mbi çfarëdo lloj baze më të madhe se paga minimale.