Dihen detajet e tifozëve në Bukuresht- pa biletë dhe byzylyk mjekësor nuk ka hyrje në stadium

Më 13 Qershor seleksioni ynë futbollistik e fillon shfaqjen historike në EURO 2020. Federacioni futbollistik rumun shpalli rregulla të detajuara për tifozët të cilët do të udhëtojnë në Rumuni si dhe për hyrje në tribunat e Arenës nacionale në Bukuresht.

Sipas raportit të fundit, Maqedonia është e vendosur në zonën e gjelbërt, që do të thotë se tifozët maqedonas mund të hyjnë në Rumuni pa test PCR ose izolim të detyrueshëm dhe qëndrimi i tyre në shtetin e Vlad Cepesh nuk është i kufizuar.

Hyrja në Arenën nacionale në Bukuresht nuk do të jetë i mundshëm pa biletë dhe byzylyk mjekësor, që do të kushtojë (5 Lei) 1 euro. Që t’a fitoni byzylykun do të duhet të bashkangjitet vërtetim për dozë të dytë të pranuar të vaksinës, dhjetë ditë nga aplikimi i dozës së dytë, test PCR negativ i vlefshëm deri në 72 orë, vërtetim për kovid-19 të kaluar ndërmjet 15 dhe 90 ditëve. Byzylyku është i domosdoshëm në garat si vërtetim se në stadium nuk ka kovid.

Për ato që i përmbushin kushtet e lartë shënuara, nëpër Bukuresht do të jenë të vendosura pika mjekësore   ku tifozët do të mund të bëjnë teste antigjene të shpejta të cilat do të vlejnë një periudhë prej 24 orësh, me të cilat gjithashtu mund të fitohet byzylyku, çmimi i testit është (40 Lei) 8 euro.