Nuk jemi ende gati për të shfuqizuar masat për Kovid-in, tha ministri i Shëndetësisë

Nuk jemi ende gati për heqjen e plotë të masave të marra si pasojë e pandemisë Kovid-19. Njeriu i parë i shëndetësisë në vend, ministri Bekim Sali, tha sot se janë duke e monitoruar situatën dhe sipas asaj që marrin si rezultat të analizave të tyre, besojnë se ende nuk është koha për të shfuqizuar plotësisht masat apo reduktimin e tyre.

-Ne si Ministri e Shëndetësisë dhe Instituti i Shëndetit Publik, normalisht dhe përmes Komisionit për Sëmundje Infektive monitorojmë vazhdimisht se çfarë po ndodh me vendet që kanë pezulluar masat. Aty ke një rikthim të mprehtë, pra një rritje të numrit të të sapoinfektuarve dhe sipas metodologjisë së re që praktikohet në të gjitha vendet, që është matja e rrezikut për sistemin shëndetësor, jo për individët. Një nga treguesit është numri i të sapoinfektuarve, por një tregues i rëndësishëm është numri i pacientëve të shtruar në spital. Sipas asaj situate, ne nuk jemi ende gati të reduktojmë masat”, tha ministri Sali, duke theksuar se disa nga qendrat e koronës në vend janë të mbyllura dhe se nuk ka nevojë për shtretër shtesë.