SASHK është ftuar në Ministri në negociata për pagat

SASHK ka marrë ftesë për vazhdimin e negociatave në ora 15 në ambientet e Ministrisë së Arsimit dhe Shkencës, ka thënë në Facebook lideri sindikal Jakim Nedelkov.

Sindikata e Pavarur për Arsim, Shkencë dhe Kulturë që nga e hëna organizon grevë të përgjithshme nëpër shkolla dhe kopshte për shkak se nuk ka arritur marrëveshje me qeverinë për rritjen e pagave në aktivitetet e arsimit dhe mbrojtjes së fëmijëve.

Në ditën e parë të grevës, të hënën, u bë e ditur se këto ditë do të zhvillohet një takim mes sindikatës dhe qeveritarëve në përpjekje për të gjetur një zgjidhje të pranueshme.

Bisedimet mes SASHK-ut dhe Qeverisë në dy javët e fundit kanë përfunduar pa marrëveshje. Pas takimit të fundit të hënën e kaluar, Nedelkov tha se nuk ka zgjidhje afatshkurtër që do të rrisë menjëherë pagat e aktiviteteve të përfaqësuara nga Sindikata dhe për këtë më 11 prill aktivizoi grevën e paralajmëruar.

Sindikata kërkon që pagat e punëtorëve menjëherë të rriten për 18,4 për qind me rritjen e pagës minimale, e cila nga ky muaj është 18.000 denarë, si dhe të jetë bazë me të cilën do të shumëzohen koeficientët e kompleksitetit të vendeve të punës.