Гостивар
Србиноска на средба со граѓани со оштетен вид во Гостивар: ИНТЕГРА ќе води грижа за лицата со попречености
Виолета Србиноска, носител на листата со кандидати за пратеници од Интегра – Македонска конзервативна партија во ИЕ 6, денеска оствари средба со здруженијата на граѓани со оштетен вид „Реалност“ од Гостивар.
„Денешнава посета е со цел да ги слушнеме проблемите со кои се среќаваат овие лица во секојдневното живеење, кои се нивните барања и како ние можем да им излеземе во пресрет и директно да помогнеме. Навистина е жално она што го слушнавме. Јас како носител на изборната листа во шестата изборна единица, лично ќе се залагам нивните потреби и проблеми да бидат приоритетно решени, со што ќе им се олесни нивното живеење. Иако со телесен хендикеп, овие лица мора да го пронајдат своето место во општеството. Меѓу нив има и високообразовани и стручни лица за кои мора да се најде место во државните институции.“, изјави Србиноска.
Ненад Ристески од здружението на слепи рече дека моментално најголем проблем во функционирањето им е немањато на говорна програма на македонски и албански јазик, за компјутери и мобилни уреди.
„Немањето на говорна програма на македонски и албански јазик за компјутери и мобилни уреди, ни претставува голема пречка во нашето функционирање. Имаме членови во здружението кои сакаат да учат, да напредуваат во разни области, токму поради ова не може да се надградуваат, се мачиме на странски јазици. Не е голема инвестција, но до сега никој немаше слух за ова. Во институциите сеуште нема тактилни патеки и помагала за пристап на слепи лица. Како и законот за туѓа нега и мобилност кој важи од 26 години па нагоре, мора да се корегира. Сите помагала кои ги кориситме ги набавуваме самите од соседни држави, кај нас не можа да се најде скоро ништо.“, рече Ристески.
Претходно Србиноска оствари средби со здруженијата на граѓани со оштетен вид и слух од Тетово.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар