Средба меѓу полицијата и директори на училишта во Гостивар

Надлежните за јавен ред и мир и директорите на повеќе училишта во Гостивар, остварија средба на првиот ден од новата учебна година. Тема на разговор беа проблемите од безбедносен карактер кои се директно врзани и ги засегаат училиштата.

„На денешната средба, началникот на Секторот за внатрешни работи Тетово, Амир Далипи, поблиску ги запозна најодговорните на училиштата со досегашните и идни активности за поголем ред и безбедност на учениците во и околу училиштата, пред се од областа на јавниот ред и мир и сообраќајот. Далипи, исто така, се осврна и начинот за најефикасна практична соработка на релација училишта-полиција, а стана збор и за другите состојби и можни предизвици од професионалниот делокруг на СВР Тетово.“, соопшти Секторот за внатрешни работи.

Полицијата најави вакви средби и во наредниот период со цел на учениците да им се овозможи максимална безбедност пред, во текот и по завршувањето на наставата.