Средба на УЈП со жени претприемачки во Гостивар

Денес во Гостивар директорката на Управата за јавни приходи, Сања Лукаревска имаше состанок со жените претприемачки од градов, како и од Тетово, Кичево и Дебар.

„На денешната средба во Гостивар жените побараа вмрежување на жените претприемачки, повеќе информации за тоа од кои институции може да добијат поддршка за нивните бизниси, сузбивање на нелојалната конкуренција и регулирање на пазарот во е – трговијата. Прецизно и јасно знаат што им треба за да постигнат повеќе. Ги поздравија досегашните мерки за помош на стопанството и побараа нови кои ќе бидат помош за пребродување на енергетската криза.“, наведе Лукаревска додавајќи дека жените ја поздравиле заложбата на УЈП за оваа средба и побарале да ги има почесто за да се овозможи надминување и успешно справување со сите неправилности и создавање поволни услови за бизнис клима.