Средба во Општина Гостивар-Лимани домаќин на Амбасадорот на Турција, Улусој

Претпладнево во посета на Општина Гостивар беше Амбасадорот на Турција, Фатих Улусој кој оствари средба со градоначалникот Ваљбон Лимани.

И домаќинот и гостинот изразија задоволство од досегашната соработка и најавија партнерство во идни проекти.

„Разговаравме за досегашната соработка меѓу Република Турција и Република Северна Македонија, како и за соработката на ниво на општини. Со екипата на Амбасадорот разговаравме и за можните проекти кои би се финансирале од организации од Турција кои се присутни во нашата држава“, изјави Лимани.

Амбасадорот Улусој, меѓудругото кажа дека средбата ја искористил за да се запознае со потребите на припадниците на турската заедница во Гостивар.

„Имаме добри врска со Северна Македонија и благодарение на тоа во Гостивар реализиравме многу проекти. Планираме и во иднина така да биде. Тука живеат и значителен број Турци и разговаравме и нивните потреби“, Улусој.