Средби со семејства и посета на бизниси во Ново маало и Шеста зона на агендата на Бејта

Кандидатот за градоначалник на Гостивар од редовите на ДУИ, Невзат Бејта со кандидати за членови на Советот посетија семејства и бизниси во Ново маало и во Шеста зона.

„Се поголемата поддршка што ми ја давате, е силен поттик за мене да работам уште повеќе, за утрешен Гостивар, за Гостивар што го сакаме“, рече Бејта споменувајќи ги главните проекти во новата изборна програма. „Во програмата, меѓу другото, планираме уредување на тротоарите на улица Дам Ком до улица “ЈНА”, изградба на улица во Блок 19, изградба на улица Београдска, изградба и проширување на водоводната линија, како и изградба на атмосферска и фекална канализација во Шеста зона. Предвидуваме и изградба на нова градинка во градот Гостивар, отворање на Уметничка галерија и Градски музеј, основање на Театар во општина Гостивар, игралишта за деца на јавни места, како и изградба на подземни контејнери“, истакна кандидатот на ДУИ. На средбата со жителите од колективните згради, им вети  хортикултурно уредување на дворовите, додека на сопствениците на бизниси вети континуирана поддршка.