fbpx
Поврзи се со нас

Гостивар

Средното техничко училиште во Гостивар има нова спортска сала

Објавено

на

И покрај тоа што наставата генерално ќе се изведува преку интернет, гостиварските училишта новата учебна година ја дочекаа подновени. Во средното технично училиште денес беше пуштена во употреба реновираната спортска сала. Во ова училиште има и неколку други подновени простории.

„Оваа учебна година ја почнуваме со нова спортска сала, реновирани и опремени два нови кабинети за практична настава, потоа архивата, наставничката канцеларија како и просторијата за педагошко-психолошката служба. Ние и понатаму ќе продолжме да вложуваме во подобрување на условите, во план ни се и други проекти за кои веќе имаме обезбедено финансиски средства“, изјави директорот на училиштето Бесир Салиу.

Симболичната црвена лента на новата спортска сала ја пресече градоначалникот Арбен Таравари.

„За мене како човек, а и како градоначалник, нема поголемо задоволство од тоа кога ќе видам дека во училиштата има инвестиции, затоа што тоа се местата наменети за нашите најмили, децата. Почнавме од кровот на ОУ „Гоце Делчев“, реновирања во ОУ „Исмаил Ќемали“ , во ОУ „Единство“, еве и овде во средното техничко. Следната година предвидени ни се познајачни зафати во гимназијата и економското училиште, и тогаш веќе ќе можеме да кажеме дека Гостивар може да служи како пример за тоа како треба да изгледаат детските градинки и училиштата“, изјави градоначалникот.

Финансиите за проектите училиштата ги обезбедуваат од сопствен буџет, преку спонзорства, фондови, Министерството за образование и општината.

Инаку, ниту едно средно училиште во Гостивар до сега нема добиено согласност за настава со физичко присуство. Средното техничко има поднесено барање за комбинирана настава, односно  учениците од I и II година да бидат физички присутни, додека трета и 4 да држат часови преку интернет. За практичната настава се бара целосно да да се одвива со физичко присуство.

Остави коментар

Напишете коментар

Advertisement
Advertisement
Advertisement

ОГЛАСИ ЗА РАБОТА:

Advertisement

Популарно изминативе 100 дена

error: Содржината е сопственост на Gostivarpess.mk!