Срушен покрив на објект во Гостивар и паднато дрво на пат од силниот ветер

Вчеравечер (30 ноември) околу 23 часот и 30 минути во СВР Тетово пријавено е дека десетина минути пред тоа од силен ветер бил целосно оштетен покривот од магацински објект на улица „Карагач“ во Гостивар, сопственост на 52-годишнишниот гостиварц Ќ.С., што предизвикало оштетување и на  електричен кабел на ЕВН Македонија.

Ноќеска (1 декември)  околу 1 часот во СВР Тетото пријавено е дека од силен ветар паднало и дрво на локалниот пат Врапчиште-автопат Гостивар-Тетово, во атарот на гостиварско Галате, кое го блокирало одвивањето на сообраќајот во двете насоки. За кусо време, со интервенција на механизација ангажирана од Општина Врапчиште, дрвото било отстрането и повторно е воспоставено нормално одвивање на сообраќајот, извести полицијата.