Стабилно со ковид во Гостивар – до сега не е изолиран британски сој на корона

Состојбата со ковид-19 на гостиварското подрачје се уште се одржува на стабилно ниво, што се потврдува со ниски дневни бројки на заболени и помалку пациенти со компликации и хеопходност од хосиптализација. Изминатиот период, се затворија ковид центрите на интерното и невролошкото одделение и сите ковид пациенти се згрижуваат на инфективно. Моментално на ова одделение хоспитализирани се 7 пациенти.

„Од вкупно седум пациенти на инфективното, два се ставени на кислородна тератпија. Откако беа затворени ковид центрите во интерното и на неврологија, извршени се сите потребни дезинфекциони интервенции и работата на овие одделенија се нормализира. До овојј момент, може да кажеме дека состојбата во Гостивар е стабилна“, рече д-р Јакуп Јакупи, директор на општата болница „Д-р Ферид Мурад“ во Гостивар.

Според последните податоци од Институтот за јавно здравје, регионот на Гостивар има 118 активни случаи на коронавирус. Сознанијата на надлежите говорат дека до сега на подрачјето немало пациент потврден со британски сој на ковид.