Вести
Станете од столче, прошетајте, играјте со децата…Физичката активност клучна за добро здравје
Денешниот датум 10 мај е прогласен за Меѓународен ден на физичката активност. Физичката активност претставува, секое физичко движење кое го активира мускулно скелетниот систем, ја зголемува енергетската потрошувачка. Физичка активност се постигнува низ игра, работа, пешачење, домашни работи и рекреативни активности и таа не треба да се меша со вежбањето. Вежбањето е под-категорија на физичката активност, кое е планирано, структурирано, повторувачко и намерно, со цел подобрување или одржување на една или повеќе компоненти на физичката кондиција.
Физичката неактивност (недоволна физичка активност) е еден од водечките ризик фактори за незаразните заболувања и смрт во целиот свет. Недоволната физичка активност кај поедниците го зголемува ризикот од појава на рак, срцеви заболувања, мозочен удар и дијабетес за 20-30% и го скратува животниот век за 3-5 години.
На глобално ниво, 1 од 4 возрасни не е доволно активен. Повеќе од 80% од светската адолесцентна популација не е доволно физички активна.
Колку и каква физичка активност препорачува СЗО?
Деца и адолесценти на возраст од 5-17 години
- Треба да се физички активни најмалку 60 минути на ден со умерен до силен интензитет.
Возрасни
- Треба да се физички активни најмалку 150 минути со умерен интензитет во текот на целата недела, или најмалку 75 минути физичка активност со силен интензитет во текот на целата недела, или еквивалентна комбинација на активност со умерен и енергичен интензитет.
Овие препораки сè лесно остварливи и во домашни услови, без специјална опрема и во ограничен простор, наведуваат од Институтот за јавно здравје земајќи ја предвид пандемијата и фактот што многу луѓе остануваат во домашна изолација. Препораките за физичката активност во самоизолација се однесуваат на лицата без симптоми или дијагноза на акутно респираторно заболување.
Направете кратки активни паузи во текот на денот. Кратка и интензивна физичка активност е дел од неделните препораки. Танцувањето, играње со децата и извршувањето на домашните работи како што се чистењето и градинарството се други начини да останете активни во текот на денот, во домашните услови.
Вежбајте по пат на интернет. Искористете ги часовите за вежбање преку интернет. Многу од нив се бесплатни и можат да се најдат на YouTube каналот. Ако немате искуство со изведување на овие вежби, бидете претпазливи и свесни за сопствените способности.
Прошетајте. Дури и во мали простори, шетањето или тапкањето во место, можат да ви помогнат да останете активни. Ако имате телефонски повик, наместо да седите, стојте или движете се низ дома додека зборувате.
Станете. Намалете го времето на седење, стојте секогаш кога е тоа изводливо. Би било идеално, да го прекинете времето на седење и лежење на секои 30 минути. Размислете на кои се начини можете да работите и што се можете да сработите додека стоите. Како пример се наведува редење книги или други материјали.
Опуштете се. Медитацијата и длабоките вдишувања можат да ви помогнат да останете смирени. За оптимално здравје, важна е здрава и избалансирана исхрана и хидратација. СЗО препорачува пиење вода, наместо слатки и газирани пијалоци, како и ограничена употреба на алкохолни пијалоци кај возрасните и строга забрана на употреба на алкохол кај младите луѓе, бремените жени и доилките. Алкохолот се забранува и кај некои други здравствени состојби. Препораките за подобрување на здравствената состојба, одат во прилог на оптимална консумација на житарки од цели зрна, свежо овошје и зеленчук, а ограничување на внес на сол, шеќер, маснотии и преработена и рафинирана храна.
извор:ИЈЗ
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk