Станува ли Гостивар ново жариште на ковид? Денес во регионот потврдени 9 новозаболени

Станува ли Гостивар ново жариште на ковид? Изминатиот период нема ден без да се регистрираат нови позитивни случаи. Според информациите на Министерството за здравство, изминатово деноноќие регистрирани се 9 нови случаи позитивни на Ковид 19.

Бројката на активно болни веќе се движи околу 180. Во изминтиве 24 часа, според информациите од гостиварската епидемиолошка служба, потврдени се 7 новозаразени од Општина Гостивар и 1 од Општина Врапчиште, за жителство на 1 пациент се чекаат податоци.

Растот на заболени во гостиварско се поклопи со претпоставките на надлежните дека укинувањето на полицискиот час и карантинот ќе придонесат за распространување на вирусот меѓу граѓаните.

Дневно за корона преку брисеви во Гостивар се испитуваат по 20-тина лица. Тоа се главно граѓани кои имале контакт со потврден случај и добиле некакви симптоми кои упатуваат на ковид.

Гостиварско има црна статистика со вкупно до сега 18 починати лица, за кои се утврдило дека биле позитивни на коронавирусот.

Од почетокот на пандемијата на гостиварското подрачје направени се околу 950 тестирања за ковид.

Во земјава денеска евидентирани се 164 новозаразени.