Стареењето може да биде забавно – Светски ден на стари лица

Месецот октомври започнува со ден посветен на старите лица. Меѓународниот ден на старите лица е востановен 1990 година од страна на Генералното собрание на Обединетите нации. Денот е можност да се нагласи важниот придонес на старите лица кон општеството и да се подигне свеста за проблемите и предизвиците на стареењето во денешниот свет.

Падот на стапката на наталитетот и продолжениот животен век ја менува демографската слика низ светот. Во 1950 година имало 205 милиони лица на возраст над 60 години, додека во 2000 година – 605 милиони. Тој број се очекува да порасне на над две милијарди до 2050 година.

Растечкиот тренд на стареењето на популацијата како во светот така и кај нас резултира со зголемен број на болести со хроничен и прогресивен тек. Стручните лица тврдат дека позитивната енергија и вниманието од семејството се клучни за здраво стареењее и убави моменти во зрелото доба.