Гостивар
Стартуваа работите за современ Центар за аутизам во Гостивар
Започнаа работите за реконструкција на објектот (кај поранешниот колеџ) во кој ќе биде сместен регионален Центар за аутизам во Гостивар. Установа на едно место ќе ги пружа сите терапевтски услуги што им се потребни на аутистичните деца и ќе биде од голема помош за родителите.
Семејствата кои имаат деца со аутизам од гостиварскиот и поширокиот полошки регион, ќе добијат центар за професионална помош и поддршка. Во Гостивар, на локација кај поранешниот колеџ, започнаа работите за уредување на Регионален центар за таква намена. Сите терапевтски услуги што им се потребни на аутистичните деца и родителите ќе бидат достапни на едно место. Иницијативата е на Здружението “Блу пазл“. Просторот и поголемиот дел финансии се од буџетот на општината, а за уредување и опремување се обезбедуваат и донации од бизнис заедницата.
„Едно од ветувањата пред изборите беше дека ќе отвориме добар и релевантен Центар за аутизам во Гостивар. Во двете фази на изведување финансира општината, но има и донатори кои помагаат. Се надеваме дека Центарот во септември ќе се пушти во употреба и децата ќе почнат да работат со професионалци, дефектолози и психолози, кои се компетентни да им помагаат“, рече при денешната посета на објектот градоначалникот Арбен Таравари.
Во работата на Центарот ќе биде вклучена и стручна Комисија за проценка на децата, што ќе биде од голема помош за семејствата, да не мора за таква цел да патуваат до Скопје.
Во истиот објект планирано е да се уреди и Центар за деца со попречености, кој ќе биде изолиран, а ќе се користи заедничка кујна.
Точна статистика околу бројот на деца кои се соочуваат со спектар на аутистични нарушувања не постои, но според сознанијата на стручните лица во полошкиот регион ги има околу 200.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар